ЖАРИЯ ОФЕРТА

заңды тұлғаларға және жеке кәсіпкерлерге LUNIQ қызметтерін көрсетуге арналған

№ 1 редакция, 2026 жылғы 22 қазан. Сайтта жарияланған сәттен бастап күшіне енеді: https://luniq.net.

Осы құжат — жеке кәсіпкер ЖК ASTRO IT (ЖСН/БСН 980512350459) жария офертасы. Ол төменде көрсетілген шарттар бойынша LUNIQ қызметтерін пайдаланғысы келетін кез келген заңды тұлғаға немесе жеке кәсіпкерге арналған. I бөлім — бизнеске арналған қызметтерді, II бөлім — жеке тұлғаларға арналған LUNIQ Event қызметін сипаттайды.

Акцепт алдында осы Оферта мәтінін, Қосымшаларды және Құпиялылық саясатын мұқият оқып шығыңыз. Акцепт — барлық шарттармен толық және шартсыз келісу.

I БӨЛІМ. БИЗНЕСКЕ АРНАЛҒАН ОФЕРТА

1. Анықтамалар

1.1. Орындаушы — LUNIQ сауда белгісімен жұмыс істейтін жеке кәсіпкер ЖК ASTRO IT, ЖСН/БСН 980512350459.

1.2. Клиент — Қызметті кәсіпкерлік қызметте пайдалану үшін Офертаны акцептеген заңды тұлға немесе жеке кәсіпкер. Жеке мақсаттар үшін қызметке тапсырыс беретін жеке тұлғаларға II бөлім қолданылады.

1.3. Қызмет — браузер арқылы қолжетімді LUNIQ бұлттық қызметтері: LUNIQ Menu, LUNIQ Flow, LUNIQ Reserved және Қосымшаларда сипатталған басқа өнімдер. Өнім — осы қызметтердің кез келгені.

1.4. Қонақ — Қызметтегі Клиенттің бетін пайдаланатын жеке тұлға: мәзірді көреді, тапсырыс немесе брондау жасайды. Қонақ Шарттың тарабы емес.

1.5. Тарифтер — әр Өнім бойынша қызметтердің құны мен құрамы. Ағымдағы Тарифтер осы Офертаның 5-қосымшасында берілген; оларды Байланыс арналары арқылы Орындаушыдан немесе шотта көрсетілген ақпараттан нақтылауға болады.

1.6. Төленген кезең — Клиент таңдаған Тариф бойынша төлем жасаған мерзім, сыйлық айлар қоса алғанда.

1.7. Байланыс арналары — Орындаушы үшін 17-бөлімде, Клиент үшін өтінімде немесе хат алмасуда көрсетілген электрондық пошта, WhatsApp және Telegram.

2. Жалпы ережелер және акцепт

2.1. Осы құжат Шарттың маңызды шарттарын қамтиды және Қазақстан Республикасы Азаматтық кодексінің (бұдан әрі — ҚР АК) 395-бабы 5-тармағы мағынасындағы жария оферта болып табылады. Шарт Клиенттің Офертаға толық қосылуы арқылы жасалады.

2.2. Офертаны акцептеу (ҚР АК 396-бабы, 3-тармақ) мынадай әрекеттердің кез келгенінен көрінеді:

– Орындаушының шотын толық немесе ішінара төлеу;

– Байланыс арналарында «Оферта шарттарын қабылдаймын» деген хабарламамен демонстрациялық қолжетімділікке өтінім жіберу;

– Орындаушыдан қолжетімділік алғаннан кейін Қызметті пайдалануды бастау.

2.3. Акцепт сәтінен бастап Шарт жазбаша нысанда жасалған деп есептеледі (ҚР АК 152-бабы). Акцептің дәлелі болып төлем құжаты, Орындаушы жүйесіндегі жазба немесе Байланыс арналарындағы сақталған хат алмасу табылады. Клиенттің сұрауы бойынша Орындаушы шартты Оферта шарттарымен қағаз жүзінде немесе электрондық цифрлық қолтаңба арқылы ресімдейді.

2.4. Шарт Офертадан, таңдалған Өнімге арналған Қосымшадан, 4-қосымшадан (жеке деректерді өңдеу), Тарифтерден және шоттан тұрады. Қайшылық туындаған жағдайда мынадай тәртіп қолданылады: шот (бағасы мен мерзімі бөлігінде) → Қосымша → Оферта.

3. Шарттың нысаны

3.1. Орындаушы Клиентке Қызметке қашықтан қолжетімділік береді, оны баптауды және техникалық қолдауды қамтамасыз етеді, ал Клиент оларды Тарифтер бойынша төлейді (ҚР АК 683-бабы). Әр Өнім бойынша қызметтер құрамы 1–3-қосымшаларда көрсетілген.

3.2. Қызмет ағымдағы нұсқада ұсынылады. Орындаушы интерфейсті және функцияларды жетілдіруге құқылы, егер бұл төленген қызметтер көлемін азайтпаса.

3.3. Орындаушы Клиенттің тауарлары немесе қызметтерінің сатушысы емес, Қонақтардың төлемдерін қабылдамайды және Клиент пен Қонақтар арасындағы қатынастардың тарабы емес. Тапсырыстар мен аванстар бойынша төлемдер тікелей Клиенттің шоттарына түседі.

4. Қосылу және демонстрациялық қолжетімділік

4.1. Қосылу үшін Клиент атауын және деректемелерін (БСН/ЖСН), байланыс тұлғасын және бетті толтыруға арналған материалдарды (мәзір, фотосуреттер, бағалар, сипаттамалар, ережелер) береді.

4.2. Демонстрациялық қолжетімділік хат алмасуда келісілген мерзімге (әдепкіде 7 күнтізбелік күн) тегін беріледі. Осы мерзімде төлем түспесе, Орындаушы қолжетімділікті тоқтатады, ал 30 күнтізбелік күннен кейін демонстрациялық бет деректерін жояды.

4.3. Іске қосу мерзімдері Қосымшаларда көрсетілген. Олар Клиент барлық қажетті материалдарды бергеннен кейін санала бастайды.

5. Баға және төлем тәртібі

5.1. Қызметтердің құны шот шығарылған күнгі Тарифтермен айқындалады. Бағалар, шотта өзгеше көрсетілмесе, ҚҚС-сыз көрсетіледі.

5.2. Төлем теңгемен, таңдалған кезең үшін 100% алдын ала төлем түрінде, шот бойынша банктік аударым арқылы немесе Kaspi арқылы жүргізіледі. Төлем міндеттемесі қаражат Орындаушының шотына түскен күні орындалған деп есептеледі.

5.3. Төленген кезеңнің бағасы өзгермейді. Жаңа Тарифтер келесі кезеңге қолданылады.

5.4. Шарт келесі кезеңді төлеу арқылы ұзартылады. Төленген кезең аяқталғанға дейін 7 күнтізбелік күн бұрын Орындаушы төлем туралы еске салады. Төлем түспесе, қолжетімділік тоқтатылады, ал деректер 12.6-тармаққа сәйкес сақталады.

5.5. Күнтізбелік ай үшін қызметтер, егер Клиент сол айдың соңынан кейінгі 5 жұмыс күні ішінде дәлелді наразылық жібермесе, көрсетілген және қабылданған деп есептеледі. Орындаушы Клиенттің сұрауы бойынша қызметтер актісін жібереді.

6. Орындаушының міндеттері мен құқықтары

6.1. Орындаушы міндеттенеді:

– жоспарлы жұмыстарды есепке алмағанда, әр күнтізбелік айдың уақытының кемінде 99%-ында Қызметтің қолжетімділігін қамтамасыз ету; жоспарлы жұмыстар туралы кемінде 24 сағат бұрын хабарлау;

– қолдау сұрауларына күн сайын Астана уақыты бойынша 10:00-ден 22:00-ге дейін жауап беру, ал Қызметтің толық істен шыққаны туралы хабарлама келгенде — осы сағаттар ішінде ең кешінде 2 сағаттан кейін;

– деректерді 9-бөлімге, 4-қосымшаға және Құпиялылық саясатына сәйкес сақтау және қорғау;

– Клиенттің сұрауы бойынша Шарт аяқталғаннан кейін оның контенті мен деректерін кестелік нысанда беру.

6.2. Орындаушы құқылы:

– мердігерлерді (хостинг, рассылка және хабарлама қызметтері) тарту, олардың әрекеттері үшін Клиент алдында жауапты болып қалу; жеке деректер алушыларының тізімі Құпиялылық саясатында көрсетілген;

– егер олар Қазақстан Республикасының заңнамасын немесе үшінші тұлғалардың құқықтарын бұзатын болса, жекелеген материалды жариялауды немесе бетке қолжетімділікті Клиентке хабарлап, себебін көрсетіп тоқтату;

– Клиент Байланыс арналары арқылы тыйым салмаған жағдайда, клиенттер тізімінде және презентацияларда Клиенттің атауын, логотипін және оның бетінің скриншоттарын пайдалану. Тыйым салынғаннан кейін мұндай материалдар 10 жұмыс күні ішінде жойылады. Мұндай материалдарда Қонақтардың жеке деректері жарияланбайды.

7. Клиенттің міндеттері

7.1. Клиент міндеттенеді:

– өзі және өз бизнесі туралы дұрыс мәліметтер беру;

– өз бетіндегі бағалардың, сипаттамалардың, тағамдар құрамы мен аллергендер туралы ақпараттың, тауарлар мен қызметтердің қолжетімділігінің, жеткізу шарттары мен брондау ережелерінің өзектілігін дербес қадағалау;

– Қонақтар алдында сатушы және қызмет көрсетуші міндеттерін орындау, соның ішінде тұтынушылар құқығын қорғау және сауда қызметі туралы заңнама бойынша;

– Қазақстан Республикасының заңнамасын (соның ішінде алкоголь мен темекіні жарнамалау туралы) немесе үшінші тұлғалардың құқықтарын бұзатын контент жарияламау;

– 4-қосымшада белгіленген Қонақтар деректерінің иесі ретіндегі міндеттерді сақтау;

– Қызметке және басқару Telegram-ботына қолжетімділікті құпияда ұстау; осы қолжетімділік арқылы жасалған әрекеттер Клиенттің әрекеттері деп есептеледі.

7.2. Клиентке Қызметті көшіруге, декомпиляциялауға немесе көбейтуге, қолжетімділікті үшінші тұлғаларға беруге, сондай-ақ қалыпты пайдаланудан асатын автоматты сұраулармен жүктеме түсіруге тыйым салынады.

8. Клиент контенті және зияткерлік меншік

8.1. Қызметке қатысты айрықша құқықтар (бастапқы код, дизайн, үлгілер, интерфейс, LUNIQ белгісі) Орындаушыға тиесілі. Клиентке Шарт мерзіміне Тариф шегінде Қызметті пайдалану құқығы беріледі.

8.2. Клиент контентіне (мәтіндер, фотосуреттер, логотиптер, бағалар) құқықтар Клиентте қалады. Клиент Орындаушыға осы контентті қызметтерді көрсету және 6.2-тармақтың мақсаттары үшін қажетті көлемде, Шарт мерзіміне және бүкіл әлемде пайдалануға арналған тегін, айрықша емес лицензия береді.

8.3. Клиент берілген контентке құқықтары бар екенін кепілдік береді. Контентке қатысты үшінші тұлғалардың талаптарын Клиент өз бетінше шешеді және егер олар оның кінәсінен туындаса, Орындаушының құжатпен расталған шығындарын өтейді.

8.4. Орындаушы Клиент үшін жасаған контент (мәзірді цифрландыру, аудармалар, безендіру) Клиент тарапынан, оның ішінде Шарт аяқталғаннан кейін де, шектеусіз пайдаланылуы мүмкін. Қызметтің үлгілері мен дизайны берілмейді.

9. Жеке деректер және құпиялылық

9.1. Орындаушы Клиент өкілдерінің деректерін Құпиялылық саясатына сәйкес иесі және оператор ретінде өңдейді.

9.2. Орындаушы Қонақтардың деректерін тек Клиенттің тапсырмасы бойынша және 4-қосымшаның шарттарымен өңдейді.

9.3. Тараптар Шарт мерзімі ішінде және оның аяқталуынан кейін үш жыл бойы бір-бірінің тапсырыстары, айналымы және статистикасы туралы мәліметтерді заңда көзделген жағдайлардан басқа, үшінші тұлғаларға ашпайды. Орындаушы Клиентті көрсетпей, жалпыланған статистиканы пайдалана алады.

10. Жауапкершілік

10.1. Міндеттемелерді орындамағаны үшін тараптар осы бөлімнің шектеулерін ескере отырып, Қазақстан Республикасының заңнамасына сәйкес жауап береді.

10.2. Егер Қызмет Орындаушының кінәсінен 24 сағаттан артық үздіксіз немесе 6.1-тармақта көрсетілген деңгейден төмен қолжетімсіз болса, Орындаушы төленген кезеңді үзіліс ұзақтығының үш еселенген мөлшерінде қосымша төлемсіз ұзартады.

10.3. Орындаушы Клиенттің бетінің мазмұнына; Клиенттің тапсырыстар мен брондауларды орындауына; үшінші тұлғалардың қызметтеріндегі (Kaspi, Halyk, WhatsApp, Telegram, Instagram, 2GIS, байланыс операторлары, интернет-провайдерлер) ақаулар мен ережелерге; Клиент бизнесінің нәтижелеріне жауап бермейді. Сайтта және презентацияларда көрсетілген орташа чек, түсім және тапсырыстар өсімінің сандары ақпараттық сипатта болып, нәтижеге кепілдік бермейді.

10.4. Орындаушының Шарт бойынша жиынтық жауапкершілігі Клиент соңғы үш күнтізбелік ай үшін нақты төлеген сомадан аспайтын нақты залалмен шектеледі. Ықтимал пайда өтелмейді.

10.4. Орындаушының Шарт бойынша жиынтық жауапкершілігі Клиент соңғы үш күнтізбелік ай үшін нақты төлеген соммадан аспайтын нақты залалмен шектеледі. Ықтимал пайда өтелмейді.

10.5. 10.3 және 10.4-тармақтардағы шектеулер қасақана бұзуға және заң жауапкершілікті шектеуге жол бермейтін жағдайларға қолданылмайды.

11. Күш-қуаты басым мән-жайлар

11.1. Тараптар төтенше және болдырмауға болмайтын мән-жайлардан: табиғи апаттардан, дерекөңдеу орталықтары мен байланыс желілерінің апатынан, жаппай кибершабуылдардан, мемлекеттік органдардың актілерінен, интернеттің өшуінен туындаған міндеттемелерді орындамағаны үшін жауапкершіліктен босатылады. Тарап басқа тарапқа 3 жұмыс күні ішінде хабарлайды. Мұндай мән-жайлар 30 күнтізбелік күннен артық созылса, кез келген тарап орындалмаған кезең үшін төлемді қайтарып беру арқылы Шартты бұзуға құқылы.

12. Қолданылу мерзімі, бұзу және қайтару

12.1. Шарт акцепт сәтінен бастап, соңғы төленген кезең аяқталғанға дейін қолданылады.

12.2. Клиент кез келген уақытта Байланыс арналары арқылы Орындаушыны хабардар ете отырып, Шарттан бас тартуға құқылы (ҚР АК 686-бабы). Қайтару мынадай тәртіппен есептеледі: төленген соманан нақты пайдаланылған айлардың құны (толық емес ай толық деп есептеледі) шегеріледі, оның бағасы сол Өнімнің «3 ай» Тарифі бойынша жеңілдіксіз алынады, сонымен қатар құжатпен расталған қосылу шығындары шегеріледі. Сыйлық айлар өтелмейді. Қайтару төлем түскен шотқа 10 жұмыс күні ішінде жасалады.

12.3. Орындаушы Клиентті 15 күнтізбелік күн бұрын хабардар етіп және пайдаланылмаған күндер үшін төлемді пропорционалды қайтарып, Шарттан бас тарта алады.

12.4. Егер Клиент хабарламадан кейін 5 жұмыс күні ішінде 7.1–7.2-тармақтардың бұзылуын жоймаса, Орындаушы төлемді қайтармай Шартты бұза алады. Бұл жағдайда залалды өтеу Клиент төлеген сомамен шектеледі.

12.5. Егер қызметтерді Орындаушының кінәсінен көрсету мүмкін болмаса немесе Клиент Офертаның өзгеруімен келіспесе (13.3-тармақ), пайдаланылмаған бүкіл кезең үшін төлем ұстаусыз толық қайтарылады.

12.6. Шарт тоқтатылғаннан кейін Орындаушы Клиенттің деректерін экспорт үшін 30 күнтізбелік күн сақтайды, содан кейін контентті жояды. Бухгалтерлік және салықтық құжаттар салық заңнамасында белгіленген мерзімде сақталады.

13. Офертаны өзгерту

13.1. Орындаушы Офертаны, Қосымшаларды және Тарифтерді өзгертуге құқылы. Ол жаңа редакцияны нөмірі мен күшіне ену күнін көрсетіп, кемінде 10 күнтізбелік күн бұрын жариялайды. Қолданыстағы Клиенттерге Байланыс арналарында хабарлама жіберіледі.

13.2. Өзгерістер бұрын төленген кезеңнің бағасына әсер етпейді.

13.3. Егер Клиент өзгерістермен келіспесе, олар күшіне енгенге дейін 12.5-тармақ бойынша қайтарумен Шартты бұза алады. Осы күннен кейін Қызметті пайдалануды жалғастыру жаңа редакциямен келісуді білдіреді.

14. Хабарламалар

14.1. Тараптардың Байланыс арналарында алмасатын хабарламалары заңды күшке ие және жазбаша хабарламаларға теңестіріледі. Хабарлама, егер ол Астана уақыты бойынша 18:00-ге дейін жіберілсе, жіберілген күні алынған деп есептеледі, әйтпесе — келесі жұмыс күні.

14.2. Наразылықтар екінші тараптың электрондық поштасына жіберіледі. Әр тарап өзінің байланыс деректерінің өзгергені туралы 5 жұмыс күні ішінде басқа тарапқа хабарлауға міндетті.

15. Дауларды шешу және қолданылатын құқық

15.1. Шартқа Қазақстан Республикасының құқығы қолданылады.

15.2. Дауларды шешудің сотқа дейінгі талап қою тәртібі міндетті. Талапқа жауап беру мерзімі оны алған күннен бастап 10 жұмыс күнін құрайды.

15.3. Шешілмеген даулар, заңда өзгеше көзделмесе, Орындаушы орналасқан жердегі (Астана қ.) сотта қаралады.

16. Тіл

16.1. Оферта орыс, қазақ және ағылшын тілдерінде жарияланған. Орыс тіліндегі мәтін негізгі болып табылады. Мәтіндер арасында сәйкессіздік болған жағдайда орыс тіліндегі мәтін қолданылады.

17. Орындаушының деректемелері

1-қосымша. LUNIQ Menu

• Бұл не. Мейрамханалар, кафелер, барлар және кофейнялар үшін QR-мәзір: үш тілдегі фотосуреттері бар мәзір, ұсыныстар және қосымша сатылымдар, залда тапсырыс беру, жеткізу және өзі алып кету, үстел брондау, пікірлер, ойын акциялары, Telegram-бот арқылы басқару. Функциялардың нақты құрамы Тарифке байланысты.
• Тегін кіретіндер. Мәзірді цифрландыру, бет дизайны, қазақ, орыс және ағылшын тілдеріне аударма, басып шығаруға арналған QR-код файлы. QR-кодтарды басып шығаруды және орналастыруды Клиент орындайды.
• Мерзімдер. Клиент тағамдарында демонстрация — 24 сағатқа дейін. Төлемнен кейін іске қосу — барлық материалдар алынған сәттен бастап 3 жұмыс күніне дейін. Мәзірдегі өзгерістерді Клиент Telegram-бот арқылы немесе қолдау қызметіне сұрау арқылы өзі енгізеді (1 жұмыс күніне дейін).
• Тапсырыстар мен ақша. Қонақтардың тапсырыстары мен брондары Telegram немесе WhatsApp арқылы Клиентке беріледі. Тапсырыстар мен шайларға төлемдер тікелей Клиентке немесе оның персоналына түседі; Орындаушы тапсырыстардан комиссия алмайды.
• Клиенттің жауапкершілігі. Клиент бағалар мен тағамдар құрамын, аллергендер және тағамдық құндылық туралы ақпаратты, акциялар мен ойындардың шарттарын, алкоголь мен темекі сатудың ережелерін сақтауды, пікірлерге жауаптарды жариялауды қамтамасыз етеді.
• Тарифтер. 5-қосымшада көрсетілген.

2-қосымша. LUNIQ Flow

• Бұл не. Гүл дүкендеріне арналған онлайн-витрина: фотосуреттері мен бағалары бар каталог, іздеу, себет, жеткізу әдісі мен уақытын таңдау, WhatsApp немесе Telegram-да бір хабарлама арқылы тапсырыс беру, Telegram-бот арқылы бағаларды және стоп-листті басқару. Барлық функциялар әр Тарифке кіреді.
• Сатушы — Клиент. Гүл сату шарты Клиент пен сатып алушы арасында жасалады. Клиент витринада өз деректемелерін (атауы, БСН/ЖСН, мекенжайы, байланысы), жеткізу, төлем және қайтару шарттарын көрсетуге міндетті.
• Тапсырыстар бойынша төлем Kaspi, Halyk арқылы немесе қолма-қол ақшамен тікелей Клиентке түседі. Орындаушы сатып алушылардың ақшасын қабылдамайды және сақтамайды.
• Іске қосу мерзімі — каталог пен фотосуреттер алынған сәттен бастап 3 жұмыс күніне дейін.
• Тарифтер. 5-қосымшада көрсетілген.

3-қосымша. LUNIQ Reserved

• Бұл не. Моншаларға, саунаға және демалыс аймақтарына арналған онлайн-брондау беті (келісім бойынша — сұлулық салондары мен барбершоптар): зал, күн, уақыт және қонақтар санын таңдау; администраторлардың Telegram-тобына «Қабылдау» және «Бас тарту» түймелері бар өтінім; қонаққа WhatsApp-та растау. Бет орыс және қазақ тілдерінде қолжетімді.
• Алдын ала төлем (задаток). Қонақ алдын ала төлемді тікелей Клиентке (Kaspi арқылы) төлейді. Орындаушы төлем агенті емес және задаткілерді қабылдамайды, қайтармайды.
• Брондау ережелерін (задаток мөлшері, бас тарту мерзімдері мен шарттары, қайтару, келу ережелері, жас шектеулері) Клиент белгілейді. Ережелер өтінім жібермес бұрын қонаққа көрсетіледі. Брондау мен задаток бойынша қонақтармен дауларды Клиент шешеді.
• Броньды растауды Клиенттің администраторы жүзеге асырады. Егер Клиент брондауларды Қызметте белгісіз басқа арналар арқылы қабылдаса, Орындаушы қос брондау үшін жауап бермейді.
• Іске қосу мерзімі — фотосуреттер, зал сипаттамалары, бағалар мен жұмыс кестесі алынған сәттен бастап 5 жұмыс күніне дейін.
• Тарифтер. 5-қосымшада көрсетілген.

4-қосымша. Қонақтардың жеке деректерін өңдеу туралы келісім

• Рөлдер. Клиент өз Қонақтарының жеке деректерінің иесі болып табылады. Орындаушы оператор ретінде Клиенттің тапсырмасы бойынша форма арқылы деректерді қабылдайды және оларды Клиентке береді, Қазақстан Республикасының 2013 жылғы 21 мамырдағы № 94-V «Дербес деректер және оларды қорғау туралы» Заңына сәйкес (бұдан әрі — Заң).
• Деректердің құрамы, мақсаттары және сақталуы:

• Клиенттің міндеттері: Қонақтардың деректерін тек тапсырысты немесе броньды орындау үшін пайдалану; жарнамалық хабарламаларды тек Қонақтың бөлек келісімі болғанда жіберу; Telegram-топқа және WhatsApp-қа қолжетімділікті оған қажет қызметкерлермен шектеу; Қонақтардың деректері туралы сұрауларға Заң мерзімдерінде жауап беру; мақсатқа жеткеннен кейін деректерді өз чаттарынан жою.
• Орындаушының міндеттері:

– а) Қонақтардың деректерін тек 2-тармақтың мақсаттары үшін өңдеу, оларды өз базасында сақтамау және өз мақсаттарында пайдаланбау;

– б) әр формада Қонаққа келісім мәтінін және Құпиялылық саясатына сілтемені көрсету және келісім белгісін (күні, уақыты, мәтін нұсқасы) тапсырыс мазмұнынсыз сақтау;

– в) егер Қонақтардың деректері болашақта сақталатын болса, оларды тек Қазақстан Республикасының аумағындағы деректер базасында сақтау (Заңның 12-бабының 2-тармағы), алдын ала осы Қосымшаны жаңарту;

– г) Заңның 22-бабына сәйкес қорғау шараларын қолдану: байланысты шифрлеу, қолжетімділікті шектеу, резервтік көшірме жасау;

– д) хабарлама жеткізудің техникалық журналдарын (уақыты, күйі, мазмұнынсыз) 30 күннен аспайтын мерзімде сақтау;

– е) қауіпсіздік оқиғасы болған жағдайда Клиентті 24 сағат ішінде, ал уәкілетті органды Заңның 25-бабына сәйкес хабардар ету;

– ж) Қонақтардың деректері туралы сұрауларды 1 жұмыс күні ішінде Клиентке беру.

• Мессенджерлер арқылы беру. Тапсырыстар мен брондар туралы хабарламалар Telegram және WhatsApp-қа жіберіледі, олардың серверлері Қазақстан Республикасынан тыс жерде орналасқан. Бұл шекаралық аумақтан тыс беру (Заңның 16-бабы). Негіз — формада берілген Қонақтың келісімі. Хабарлама арнасын Клиент таңдайды, ал оның чаттарындағы деректер оның бақылауында болады.
• Жауапкершілік. Орындаушы деректерді формадан Клиенттің мессенджеріне дейін беру үшін жауап береді, Клиент — деректерді алғаннан кейін. Офертаның 10.4-тармағындағы шектеу осы Қосымшаны қасақана бұзуға қолданылмайды.

5-қосымша. LUNIQ Тарифтері

2026 жылғы 22 қазаннан бастап қолданылады. Бағалар теңгемен. Төлем — таңдалған кезеңге 100% алдын ала төлем. Төленген кезеңнің бағасы өзгермейді.

– Menu-де тегін кіреді: мәзірді цифрландыру, дизайн, үш тілге аударма және 24 сағаттық демонстрация. Қосу үшін төлем жоқ.

– Flow-да барлық функциялар әр Тарифке кіреді.

– Мерзімінен бұрын бас тартқан жағдайда қайтару Офертаның 12.2-тармағы бойынша есептеледі.

II БӨЛІМ. LUNIQ EVENT ЖАРИЯ ОФЕРТАСЫ

Жеке тұлғаларға арналған. № 1 редакция, 2026 жылғы 22 қазан. Сайтта жарияланған сәттен бастап күшіне енеді: https://luniq.net.

1. Кім не ұсынады

1.1. Жеке кәсіпкер ЖК ASTRO IT, ЖСН/БСН 980512350459 (бұдан әрі — Орындаушы), әрекетке қабілетті, 18 жасқа толған кез келген жеке тұлғаға (бұдан әрі — Тапсырыс беруші) осы Бөлім шарттары бойынша «LUNIQ Event галереясы» қызметін ұсынады. Бұл ҚР АК 395-бабының 5-тармағы мағынасындағы жария оферта.

1.2. Қызмет: бір іс-шараға (үйлену тойы, ұзату, туған күн, корпоратив және т. б.) арналған онлайн-галереяны құру, онда есімдер мен күн көрсетіледі; басып шығаруға арналған QR-карточка; қонақтардың жалпы санына шектеусіз фото және бейне жүктеуі; қонақтардың рейтингі; қазақ, орыс және ағылшын тілдеріндегі интерфейс; барлық файлдардың түпнұсқа сапасындағы мұрағаты.

2. Баға және төлем

2.1. Баға — бір іс-шараға 9 990 ₸, шотта өзгеше көрсетілмесе. Қосымша төлемдер жоқ.

2.2. Төлем — галерея іске қосылғанға дейін 100%, Kaspi арқылы немесе деректемелер бойынша аударыммен. Тапсырыс беруші кассалық чек алады.

2.3. Акцепт — қызмет үшін төлем (ҚР АК 396-бабы, 3-тармақ). Төлемге дейін Орындаушы осы Бөлімге және Құпиялылық саясатына сілтемені жібереді.

3. Мерзімдер және көрсету тәртібі

3.1. Тапсырыс беруші есімдерді, күнін, мұқаба үшін 1–3 фотосуретті және қаласа, Instagram сілтемесін береді. Галерея мен QR-карточка 2 жұмыс күні ішінде дайындалады, бірақ 3 күн және одан көп бұрын тапсырыс берілген жағдайда іс-шарадан кемінде 1 күн бұрын.

3.2. Галерея іс-шара күнінен бастап 7 күнтізбелік күн бойы жұмыс істейді: қонақтар фото мен бейнелерді жүктейді және қарайды. Бұл мерзім аяқталғанда Орындаушы Тапсырыс берушіге түпнұсқа сапасындағы толық мұрағатты береді және мұрағат берілгеннен кейін 24 сағат ішінде серверлерінен файлдарды және қонақтардың есімдерін жояды. Мұрағат берілгеннен кейін оны сақтау үшін Тапсырыс беруші жауап береді.

3.3. Қызмет жұмыс істеп тұрған галереяға сілтеме мен QR-карточка файлы Тапсырыс берушіге берілген күні көрсетілген деп есептеледі. 3.2-тармақтағы мерзімдерде галереяны ұстау және мұрағатты беру міндеті сақталады.

4. Бас тарту және қайтару

4.1. Тапсырыс беруші кез келген уақытта қызметтен бас тартуға құқылы. Орындаушы төлемді нақты жұмсалған шығындарды шегергенде қайтарады (ҚР АК 686-бабы):

4.2. Егер іс-шара күні галерея Орындаушының кінәсінен жұмыс істемесе, Тапсырыс беруші толық қайтаруды және «Тұтынушылар құқығын қорғау туралы» Қазақстан Республикасының Заңында көзделген өзге де шараларды талап етуге құқылы.

4.3. Қайтару талап берілген күннен бастап 10 күнтізбелік күн ішінде, төлем жасалған тәсілмен жүзеге асырылады.

5. Қонақтардың фото және бейнелері

5.1. Галереяны тек сілтемесі немесе QR-коды бар адамдар көре алады. Ол іздеу жүйелері үшін жабық және Тапсырыс берушінің жазбаша келісімінсіз Орындаушы оны жарнамада пайдаланбайды.

5.2. Адамның бейнесін тек оның келісімімен пайдалануға болады (ҚР АК 145-бабы). Сондықтан:

– Тапсырыс беруші қонақтарға галерея туралы хабарлайды; QR-карточкадағы мәтін мұны оның орнына орындайды;

– бірінші жүктеу кезінде қонақ галерея ережелерін қабылдайды және іс-шарадан түсірілген, адамдар түсіруге қарсы емес суреттерді жүктейтінін растайды;

– фотода немесе бейнеде бейнеленген кез келген адам галереядағы түймеге немесе hiastroit@gmail.com мекенжайына хат жазу арқылы файлды жоюды сұрай алады; файл сұрау түскен бойда жасырылады және 3 жұмыс күні ішінде жойылады;

– балалар суреттері үшін жүктеген адам мен ата-ана жауап береді; ата-ананың сұрауы бойынша мұндай файлдар дәл сондай тәртіппен жойылады.

5.3. Іс-шарамен байланысы жоқ, әдепсіз, қорлайтын немесе бөтен материалдарды жүктеуге тыйым салынады. Тапсырыс беруші де, Орындаушы да мұндай файлдарды жоя алады.

5.4. Фото мен бейнеге құқықтар олардың авторларында қалады. Орындаушы оларды қызметті көрсету мақсатында тек галереяда сақтайды және көрсетеді.

6. Жауапкершілік

6.1. Орындаушы галереяның жұмысы мен 3.2-тармақ мерзімдеріндегі файлдардың сақталуы үшін жауап береді. Ол іс-шара алаңында интернеттің болмауы үшін немесе қонақтар түсірген суреттердің сапасы үшін жауап бермейді.

6.2. Осы Бөлімнің ешбір шарты Тапсырыс берушінің тұтынушы ретіндегі құқықтарын шектемейді. Заңмен салыстырғанда осы құқықтарды шектейтін шарттар қолданылмайды.

7. Даулар

7.1. Наразылықтар hiastroit@gmail.com мекенжайына немесе WhatsApp +7 706 639 07 37 арқылы қабылданады. Жауап беру мерзімі — 10 күнтізбелік күн.

7.2. Қолданылатын құқық — Қазақстан Республикасының құқығы. Тапсырыс беруші өзінің тұрғылықты жеріндегі, шарт жасалған немесе орындалған жердегі сотқа, не Орындаушының орналасқан жеріндегі сотқа, сондай-ақ тұтынушылар құқығын қорғау органдарына жүгінуге құқылы.

8. Өзгелер

8.1. Тапсырыс берушінің және қонақтардың жеке деректері LUNIQ Құпиялылық саясатына сәйкес өңделеді. Орындаушы осы деректердің иесі және операторы болып табылады.

8.2. Осы Бөлімнің өзгерістері бұрын төленген галереяларға қолданылмайды.

8.3. Мәтін орыс тілінде жарияланған; қазақ және ағылшын нұсқалары анықтамалық сипатта болады.

9. Орындаушының деректемелері

ЖК ASTRO IT 

ЖСН/БСН 980512350459 

Банк: «Kaspi Bank» АҚ, КБе 19, БИК CASPKZKA 

Шот нөмірі: KZ41722S000050799071 

Астана қ., Рақымжан Қошқарбаев даңғылы, 15 үй, 128 кеңсе/пәтер 

hiastroit@gmail.com 

+7 747 353 26 12 

WhatsApp +7 706 639 07 37 

Telegram @horeca_tech 

https://luniq.net